كيف تتاكد انه الشخص الي قدامك ليبي؟

السلام عليكم.. الموضوع وما فيه كيف تعرف الليبي؟؟؟ بسيطه نعطيك شويه معلومات بحيت انك تتاكد من الشخص اللي قدامك ليبي او لا؟ 1.كان لقيت واحد يقولك شن الجو...صقع عليك ...فهذا بالتأكيد شخص ليبي 2.ادا لقيته شاد في يده مكياطه واليد التانيه سبسي..فهدا باتأكيد شخص ليبي ا3.ادا قالت خمس دقايق وقعد ساعتين....فهدا بالتأكيد شخص ليبي 4.وكان قالك شبوب ممكن عكشه...والا تعكشلي...فهدا بالتأكيد شخص ليبي 5.كان في البحر لقيته رادم دلاعه او صندوق مشروب..فهدا بالتاكيد ليبي 6.كان طقطق عليك واحد وقالك تسلم عليك امي وقالتك..عطيني حكة طماطم او زيت..هدا بالتاكيد شخص ليبي 7.كان لقيت بنيه صغيره تغني عيله يا عيله..هده ماتحكش فيها راسك بكل "ليبيه" 8.كان لقيت واحد خاش في طابور ومش عارف هدا الطابور شنو..فهدا اكيد ليبي 9.كان خطمت من الشارع ولقيت واحد يفنص فيك..طول اعرفه ان هدا الشخص ليبي

تفضّل مشكوراً بمشاركة الموضوع